16-19 June, 2025 waxa Muqdisho ka qabsoomay Gogosha Wadatashiga Qaran ee uu fidiyay madaxwayne Xasan Sheekh Maxamuud bishii Maarso ee sanadkan. Gogosha waxaa ka qeybgalay siyaasiyiin, ururro siyaasadeed, xisbiyo ka socday Puntland, iyo qaar ka mid ah ururrada bulshada. Intii ay gogoshani socotay waxaa looga hadlay ilaa 4 qodob oo kala ah: midnimada dalka, amniga, dhammeystirka dastuurka, dimuqraadiyadeynta iyo doorashooyinka. Gunaanadkii gogosha waxa lagasoo saaray war-murtiyeed iyo baaq.

Qeybtan 53-aad ee Maamul Wanaag Podcast, Agaasimaha Somali Public Agenda, Mahad Waasuge, iyo Feysal Axmed Warsame oo ah madaxii hore ee Dalladda Bulshada Rayidka ah ee Puntland, waxa ay ku falanqeynayaan gogoshaas iyo natiijadii ka soo baxday.