Agaasimaha Somali Public Agenda Mahad Waasuge ayaa ka qeyb galay madal lagu gorfeeyay ka qeybgalka bulshada ee qorsheynta miisaaniyadda dalka oo ay soo qaban-qaabiyeen Madasha Muqdisho iyo Dalladda Ururrada Bulshada Rayidka Soomaaliyeed ee SONSA.

Waxa uu madasha ka jeediyay nuxurka warbixin ay Somali Public Agenda ku gorfeysay miisaaniyadda dowladda federaalka ee 2025 oo la daabacay bishii May ee sanadkan.

Madasha oo ay kasoo qeyb galeen qeybaha kala duwan ee bulshada waxaa marti ku ahaa oo soojeedinta Agaasimaha kadib mowduuca gorfeeyay Xildhibaan Maxamed Harun oo xubin ka ah Guddiga Miisaaniyadda Golaha Shacabka, Suleyman Sheekh Cumar oo ah Agaasimaha Guud ee Wasaaradda Maaliyadda Dowladda Federaalka, Axmed Maxamuud Axmed oo soo noqday Wasiir & Xoghayaha Joogtada ah ee Wasaaradda Maaliyadda, & Prof. Yaxye Caamir oo ah khabiir arrimaha dhaqaalaha.